Linguists भाषाकोविद
भाषाकोविद सर्वच मुलं जन्मतःच भाषातज्ञ असतात . हे वाक्य वाचून दचकलात ? मला सांगा , जगातल्या सात हजार भाषांमधली आपल्या वाट्याला आलेली कुठलीही भाषा मुलं किती सहजपणे शिकतात . ना त्यांना कोणी बाराखडी शिकवतं , ना व्याकरण , तरिही ते सहज शिकतात . खूप वर्ष यावर काम केल्यावर शास्त्रज्ञांना लक्षात आलंय की मुलांची भाषा ग्रहण करण्याची पद्धत ही मोठ्या माणसांपेक्षा वेगळी असते . ही क्षमता सहाव्या - सातव्या वर्षापर्यंत टिकून राहाते . आणि ह्या काळात मुलांचा अजून एखाद्या नवीन भाषेशी संपर्क आला , तर हा काळ वाढतो . मुलं मग तीही भाषा त्यांच्या विशेष पद्धतीनेच शिकतात . तिसऱ्या महिन्यांत दृष्टी धरायला लागलेलं बाळ , त्याला सांभाळणाऱ्याच्या नजरेला नजर मिळवून हुंकार द्यायला लागतं . तोंडाने फुर्र करून , हसून निरनिराळे आवाज काढायला लागतं . पाचव्या महिन्यांत स्वर व्यंजनाची जोडी जमवायला लागतं . जस की , बाबा , काका , मामा . आपल्या हावभावांचा उपयोग करायला लागतं . जसं की , हात पुढे कर...